कालसर्प दोष निवारण पूजा त्र्यंबकेश्वर

कालसर्प योगाचे प्रकार

जातकाच्या जन्मकुंडलीतील राहू व केतूच्या स्थितीनुसार एकूण १२ प्रकारचे कालसर्प योग तयार होतात. प्रत्येक योग जातकाच्या जीवनातील विविध क्षेत्रांवर परिणाम करतो. हे प्रकार पुढीलप्रमाणे आहेत:

अनंत कालसर्प योग

जेव्हा जातकाच्या कुंडलीत पहिल्या स्थानात राहू आणि सातव्या स्थानात केतू असतो व इतर ग्रह त्यांच्या मध्ये येतात, तेव्हा “अनंत कालसर्प योग” तयार होतो. या योगामुळे विवाह जमण्यात अडचणी येऊ शकतात. जातकाचे वैवाहिक जीवनात मतभेद आणि कलह होण्याची शक्यता असते.

कुलिक कालसर्प योग

जातकाच्या कुंडलीत दुसऱ्या स्थानात राहू आणि आठव्या स्थानात केतू असतील, तेव्हा “कुलिक कालसर्प योग” तयार होतो. हा योग आर्थिक स्थितीत अडचणी निर्माण करू शकतो आणि धनहानीची शक्यता वाढते.

वासुकी कालसर्प योग

तिसऱ्या स्थानात राहू आणि नवव्या स्थानात केतू असतील तर “वासुकी कालसर्प योग” तयार होतो. हा योग कौटुंबिक जीवनात मतभेद निर्माण करतो, विशेषतः भाऊ-बहिणी आणि आई-वडिलांशी वाद होण्याची शक्यता असते.

शंखपाल कालसर्प योग

चौथ्या स्थानात राहू आणि दहाव्या स्थानात केतू असतील, तेव्हा “शंखपाल कालसर्प योग” तयार होतो. हा योग शिक्षणात अडचणी आणतो आणि एकाग्रतेचा अभाव निर्माण करतो.

पद्म कालसर्प योग

पाचव्या स्थानात राहू आणि अकराव्या स्थानात केतू असतील तर “पद्म कालसर्प योग” तयार होतो. या योगामुळे संततीसंबंधित अडचणी निर्माण होऊ शकतात.

महापद्म कालसर्प योग

सहाव्या स्थानात राहू आणि बाराव्या स्थानात केतू असतील तर “महापद्म कालसर्प योग” तयार होतो. नोकरी, व्यवसाय आणि आर्थिक बाबींमध्ये अडथळे येण्याची शक्यता असते.

तक्षक कालसर्प योग

सातव्या स्थानात राहू आणि पहिल्या स्थानात केतू असतील तर “तक्षक कालसर्प योग” तयार होतो. हा योग वैवाहिक जीवनात संघर्ष आणि उशिरा विवाहाचे कारण ठरू शकतो.

कर्कोटक कालसर्प योग

आठव्या स्थानात राहू आणि दुसऱ्या स्थानात केतू असतील तर “कर्कोटक कालसर्प योग” तयार होतो. या योगामुळे आर्थिक संकट आणि वडिलोपार्जित संपत्तीशी संबंधित अडचणी निर्माण होऊ शकतात.

शंखचूड कालसर्प योग

नवव्या स्थानात राहू आणि तिसऱ्या स्थानात केतू असतील तर “शंखचूड कालसर्प योग” तयार होतो. व्यापारात नुकसान आणि परदेश प्रवासात अडथळे निर्माण होऊ शकतात.

घातक कालसर्प योग

दहाव्या स्थानात राहू आणि चौथ्या स्थानात केतू असतील तर “घातक कालसर्प योग” तयार होतो. मानसिक ताण-तणाव वाढण्याची शक्यता असते आणि पितृदोषाचा प्रभाव जाणवू शकतो.

विषधर / विषाक्त कालसर्प योग

अकराव्या स्थानात राहू आणि पाचव्या स्थानात केतू असतील तर “विषधर कालसर्प योग” तयार होतो. नोकरी, व्यवसाय आणि सामाजिक प्रतिष्ठेमध्ये अडचणी निर्माण होऊ शकतात.

शेषनाग कालसर्प योग

बाराव्या स्थानात राहू आणि सहाव्या स्थानात केतू असतील तर “शेषनाग कालसर्प योग” तयार होतो. या योगामुळे कर्ज, मानसिक त्रास, व्यसन आणि आर्थिक नुकसान होण्याची शक्यता असते.

कालसर्प योगाचा प्रभावकाळ हा जातकाने त्याची शांती पूजा न केल्यास दीर्घकाळ टिकतो, असे ज्योतिषशास्त्र सांगते. कालसर्प योगामुळे जातकाला अनेक अडचणींना सामोरे जावे लागते.